M: Kia orana…Ka marama koe I te tuatua papa'ā
F: Kia orana, Kare e Papa, kare au e marama .
M: Ka marama au i te reo maori, kare e marama meitaki.
F: No Nui Tireni mai koe?
M: Ae.

F : E papa, e papa
M : Eaa e maine
F : Ka kite koe i te tuatua Māori?
M : Kare, kare au e kite i te tuatua Māori.
F : Ka marama koe i te reo Māori?
M : Ae, ka marama au, kare ra e marama meitaki.
F : Ka kite koe i te tuatua Papa'ā
M : Ae, ka kite au i te tuatua Papa'ā
F : Aaa, no Nu Tireni mai koe? M : Ae, e maine .

F : Popongi manea e papa
M : Popongi manea
F : Pe'ea ua koe e papa, meitaki ua?
M : Kare e Mama, kare au e meitaki ana, kare au e marama ana i te reo Māori
F : Ae, ae te marama ua ara koe e papa, meitaki uaara taau reo Māori
M : Meitaki maata e mama

M: Po manea e maine, pee aua koe?
M: E maine , kua marama koe?
M: No Nu Tireni mai au, inara ka marama au I te tuatua maori , kare e maata ana taku ka marama.
M: Ko Papa Jones toku ingoa, no Palmerston North mai au.
M: Kua marama koe?
F: Kare, kare au I marama, no Akarana mai au I Nui Tireni, ka kite e papa.
M: Po manea e maine.

M: Akakoromaki mai e Mama
F: Ae e Papa
M: TIea te Otera Edge Water ?
F: Te otera Edge Water , ti konei ua.
M: E te are Kai Tapae, tiea?
F: Tera ua i ko e papa, tera ua i ko.
M: Tiea?
F: Tera i ko e papa, i ko.
M: Aah kua marama au.
M: Meitaki e mama.
F: Ka ki te e papa.

F: Kia orana e Ben
M: Aaa, Aiai manea e Maria
M: Peea ua koe?
F: Kare au e kite ana e Ben.
F: Patianga ...e tene taau?
M: Kare e Maria, kare aku tene.
F: Mari ra e tara taau?, me kare.
M: Akakoromaki mai e Maria, kare aku tene e kare katoa aku tara.
F: Kare e, no Nu Tireni mai koe?
M: Ae no Nu Tireni mai au, mari ra kare aku tene e kare katoa aku tara.
F: Noo ake e Ben.

M: Maria, e ia aau tene?
F: Kare e maata ana e John, e rua aku tene,e mari ra e tāra taku.
M: E ia?
F: Kare au i kite, e rua , e toru. Ka inangaro koe e tai tāra?
M: Ae, me ka tika ia koe, kare ka inangaro au e rua tāra.
F: Ei ra, e rua tāra naau.

F: Kia orana e Nootai…
M: Popongi manea e Louisa, Eaa taau ka inagaro?
F: Ka inangaro au i te kaikai.
M: Eia aau tene?
F: E toru aku tene, e meangiti ua. Akapeea koe?
M: E rima aku tene e, e rua aku tāra.
F: Meitaki, aere mai ka aere taua kaikai.

M: Avatea manea e Maria, ka inangaro koe i te kaikai
F: Kare , kare au e inangaro i te kaikai, mari ra, ka inangaro au i te inu i tetai apinga.
M: E tai pia?
F: Ae, me ka tika iakoe.
M: Eia moni i te pia? Kua kite koe?
F: Ae kua kite au. E tai pia, e toru tara E rua pia, e ono tara.
M: E ono tara? Kare aku ono tara.
F: Eia aau tāra?
M: E rima aku tāra.
F: Meitaki ua e Joe, e tai tāra taku.
M: Meitaki maata, aere mai ka aere taua ki ko i te Are kai

M: Popongi manea e maine. Peea ua koe?
F: Meitaki ua. Ka aere koe kiea e papa?
M: Te aere nei au ki ko i te are kai. Akapea koe?
F: Kare au I kite e ka aere au kiea.
M: Ka inagaro koe i te kaikai?
F: Ae, me ka tika iakoe.
M: Meitaki, aere mai taua kaikai e te inu pia.

F: Ka inangaro koe te inu e Rua tane?
M: Ae, e pia taau?
F: Ae, ae e pia taku. Ka inangaro koe tetai?
M: Kua anu?
F: Kare, kare i anu.
M: Me kare i anu kare au e reka ana. E apinga anu atu ei taau?
F: E vai e Pa, e vai anu tikai.
M: Meitaki e Ma, e vai anu taku ka inu.

M: Te inu kaope nei a Sara raua ko James. E reka ana koe i te kaope e Sara?
F: Ae e James, e meitaki tikai. E naau e tutaki te kaope e James?
M: Kare, kare e rauka iaku i te tutaki, Naau e tutaki.
F: Mea ka tika iakoe, ka inangaro au i te tutaki.
M: Mako ra, me ka inangaro koe i te tutaki, naau ria e tutaki. Meitaki maata ra.
F: Meitaki ra e James.
M: Inara, apopo naku e tutaki.

M: Kia orana e Hope, peea koe?
F: Kia orana e Noah, Meitaki ua au. Akapeea koe?
M: Meitaki….meitaki. Ka inangaro koe i te kaikai,... ā koe? Ka rauka iakoe i te kai e rua moa?
F: E rua moa?... Kare, kare e rauka iaku.
M: Eaa te ora ka inangaro koe i te kaikai? Āea e rauka ai iakoe?
F: A te ora toru…Ka rauka iakoe?
M: Ka mako i te ora toru, e tai-ngauru ma rima meneti ua rāi, inara ka rauka iaku i te kaikai mei te tai-ngauru ma ā meneti.
F: Āu, kare… Me kare e rava toku taime , kare au e kaikai.
M: Mako ra,... akapeea apopo?... Apopo i te apa note ora rua?
F: Ae, ka meitaki apopo, Apopo ka rauka iaku

F: Ka inangaro au i te kaikai i te tuaero.
M: Kare, ka inangaro au i te kaikai i te tai-ngauru ma rima meneti ka ora ngauru ma tai ei.
F: I te tai-ngauru ma rima meneti i pati te ora ngauru ma tai?
M: Kare, i te tai-ngauru ma rima meneti ka ora ngauru ma tai ei.
F: Aaaa, i roto i te tai-ngauru ma itu meneti i reira.
M: Ae , i te tai-ngauru ma itu meneti.
F: Ooooo kua mako i reira.
M: Noteaa, ae, e taime ra toou note reira?
F: Ae, e taime toku. Inara kare aku moni. Tei roto taku moni i te Otera.
M: Aaa, noteaa ka aere taua ka kaikai. Naku e tutaki.
F: Ooo aee, meitaki ra, Meitaki maata.
M: Kare e manamanata.
F: Apopo naku e tutaki.

M: Ka mako koe i te tuatua i teia taime? Ka inangaro au i te tuatua meangiti ua.
F: Eaa te ora?
M: E tai-ngauru ma rima meneti ka tuaero ei.
F: Akakoromaki mai, kare e rauka iaku. Tu reiti roa, kare e taime i te tuatau.
M: A konei?...E taime toou akonei? E rua ora akonei?
F: Kare i papu iaku me ka rauka iaku i teia ra.
M: Akapeea apopo? Ka mako koe i te komakoma apopo?
F: Ae, ka mako ka tuatua taua apopo.
M: Eaa te ora?
F: Kare au i kite. Inara kare e rauka iaku i te tuatua, e tureiti roa. Ka kite ra.

F: Kia orana e Don tane, peea ua koe?
M: Meitaki maata, peea ua koe?
F: Meitaki ua nei rai au.
F: Te aere nei au ki ko i te Otera.
F: Ka inangaro au i te inu pia.
M: Korua koai ka aere ei?
M: Ka aere koe, ko koe ua?
F: Kare, ko maua ko Jessie ka aere ei.
F: E apinga ke taau ka inangaro koe i te inu?
M: Ae, meitaki.
M: Ka inangaro au i te inu pia. E ka inangaro katoa au i te puka kia koe.

M: Kia orana e Rua vaine, ka inangaro maua ko toku taeake ko Katu i te kaikai kapiti kia koe.
F: Ooo ae, kiea ngai?, Ka aere tatou kiea ngai kaikai ei?
M: Ki ko i te Are Tapa’e. E reka te au pia i reira.
F: Oooo, inara kare au e reka ana i te pia.
M: Kare?, Inara, e maata te au apinga meitaki i reira. Ka tika e ka tuatua maua kiakoe.
F: Tena, ka aru atu au iakoe, note mea ka inangaro au te tuatua kiakoe.

M: Avatea manea, Ka inangaro au i te oko i tetai apinga na taku vaine.
M: No Autireiria mai maua. Ka inangaro au i te oko i tetai apinga note Kuki Airani atu nei. F: Eaa?, Eaa taau ka inangaro?
M: Kare au i kite, tetai apinga meitaki.
F: Eia aau ka inangaro i te tutaki?
M: Tera ua, eiaa e maata roa.
F: E apinga meitaki tikai ta matou. Teia ua.
F: E Varu anere e iva ngauru tāra i te tutaki. Ka inangaro koe?
M: Kare au i kite, kare i papu, Aaaa teia taku vaine.
M: Ka aere au ka tuatua kiaia.

F: E tuatua reo Kuki Airani Maori ana koe?
F: Ae, E tangata Kiwi au, No Christchurch mai matou, inara, meangiti ua taku ka kite i te tuatua i roto reo Kuki Airani.
M: Aaa, mako meitaki, note mea kare au e tuatua papaā ana.
M: Ka rauka kia komakoma meangiti taua?
M: E taime toou i teia nei?
F: Ae, E toru-ngauru oku meneti, ka rava tera?
M: Ae, ae meitaki maata.
F: Kare e manata, E reka ana au i te tuatua Maori.

M: Avatea manea e maine, Ko papa Ti au, no Nu Tereni mai au.
F: Reka te aravei iakoe e Papa Ti, Ko Rua vaine au no Rarotonga mai.
M: Reka i te aravei iakoe e Mama Rua. Peea ua koe?
F: Meitaki maata e Pa, inara kare e rauka iaku i te tuatua atu kia koe.
M: Eaa ara?
F: Te aere nei au no konei.
M: Te aere nei koe no konei?
M: A’ea?
F: I teia taime, kua pa’pa au e te aere nei au.
M: Mako, aere ra.
F: Noo ake ra.

If you enjoyed this series and would like us to continue creating more
show your support by filling out this form
🙏 Meitaki maata

Dedicated to the beautiful people and culture of the Cook Islands.
Made with ❤️ from the Tairea anau (Vaipunu, Ian, Lana and Ben)
And in Mauke (Vaipunu, Ian, Terahi Tearii, Clotilda Moetaua)